जोहार छत्तीसगढ़ पार्टी के चुनावी बइठका सम्पन्न होइस
नगरीय निकाय चुनाव ल देखते हुए रायपुर पश्चिम कार्यालय मे रायपुर जिला के जम्मो पदाधिकारी मन के संयुक्त बइठका होइस जेमा विभिन्न वार्ड के पार्षद प्रत्याशी मन आवेदन दें के जोहार छत्तीसगढ़ पार्टी से चुनाव लड़े बर अपन इच्छा जाहिर करिसl जोहार छत्तीसगढ़ के रायपुर जिला अध्यक्ष गोपी साहू जी बताइस की प्रत्याशी मन के नाम के घोषणा गुरुवार से चालू होहीl जोहार छत्तीसगढ़ पार्टी के चुनावी बइठका
प्रदेश अध्यक्ष युवा क्रान्ति सेना शिवेंद्र वर्मा बताइस की 25 जनवरी तक पार्षद चुनाव लड़े के इच्छुक निमगा छत्तीसगढ़िया भाई बहिनी मन टिकिट बर आवेदन कर सकत हे, साथ ही जानकारी दिस की 100 व्यक्ति मन जोहार छत्तीसगढ़ के सदस्य्ता ग्रहण करके योग्य छत्तीसगढ़िया प्रत्याशी ल जित्वाय के किरिया खाइसl बइठका मे जोहार छत्तीसगढ़ पार्टी के केंद्रीय अध्यक्ष अमित बघेल जी बहुत अकन चुनावी गुर अपन सेनानी अउ संभावित प्रत्याशी मन ल बताइसl प्रदेश अध्यक्ष छत्तीसगढ़िया क्रान्ति सेना अजय यादव जी अपन बहुत अकन अनुभव ल साझा करिस अउ सेनानी मन मे जोश भर चुनावी मैदान मे छत्तीसगढ़िया मन ल जीता के छत्तीसगढियावाद लाय बर आह्वान करिस lजोहार छत्तीसगढ़ पार्टी के चुनावी बइठका
