Save Hasdeo : काली जुआर याने 7 जनवरी के 2 हजार गाड़ी- मोटर के जबर काफिला रइपुर ले रवाना होके हसदेव अरण्य पहुँचही – जोहार छत्तीसगढ़ पार्टी
7 जनवरी 2024 दिन इतवार के हसदेव अरण्य ल बचाए बर सर्वदलीय संगठन रायपुर ले हसदेव के हरिहरपुर तक मोटर (गाड़ी) रैली के रूप मे जाहि
NCG News desk Raipur:-
रायपुर। हसदेव जंगल ल बचाये के मुहिम लेके रायपुर सिलतार ले बिहान 07 बजे जोहार छत्तीसगढ़ पार्टी अउ सर्व छत्तीसगढ़िया समाज के सर्वदलीय संगठन मोटर गाड़ी रैली के रूप म हसदेव जंगल बर निकलही, अउ उँहा जंगल बचाये के आंदोलन म बइठे ग्रामीण आदिवासी आंदोलनकारी मनखे मन ले भेंट कर के हसदेव जंगल ल कटे ले बचाये के पूरा समर्थन दिही।Save Hasdeo
जेन आदिवासी भाई बहिनी मन हसदेव बचाए बर सरलग 10 बछर ले आंदोलन करत आत हे, वो मन हा रेंगत-रेंगत हसदेव ले रायपुर आके राज्यपाल ल ज्ञापन सौपीस, जेकर चलते हसदेव आज जिन्दा है, वो मन ला 7 तारीख के जोहार छत्तीसगढ़ पार्टी के मनखे मन हरिहरपुर धरना स्थल पहुंच के संबल दिही अऊ आस्वस्त करही के हसदेव बचाए के लड़ाई म हमु मन तुहर संग हन।Save Hasdeo
ऐखर संग छत्तीसगढ़िया क्रांति सेना संगठन अउ जोहार छत्तीसगढ़ पार्टी के पदाधिकारी मन अउ दूसर संगठन मन ले निवेदन करे हवय के, आपमन भी अपन-अपन गाड़ी से हसदेव रैली के रूप म चलव। आप कोन्हो भी दल (राजनीतिक या गैर राजनीतिक) के रहव, कोन्हो भी सामाजिक कोन्हो व्यापारिक संगठन के रहव, आप अपन समाज दल अऊ संगठन के झंडा, बैनर अपन गाड़ी म लगा के हसदेव बचाव के रैली म चल सकत हव। आपमन ल एक पोस्टर रैली आयोजक मन डहर ले दिए जाहि, जेमा कोन्हो राजनीति दल, गैरराजनीतिक दल, समाज, संगठन के चिन्ह, मोनो नई रहे, वोमा सिर्फ #savehadeo अऊ #हसदेवबचाव लिखे रही। जेला आपला अपन गाड़ी के बोनट अऊ पीछे कांच में लगाना है, जेकर से एकरूपता अऊ रैली म शामिल गाड़ी के रूप मे आपके गाड़ी पहचाने जाहि।
जेन मन हसदेव बचाये के उदिम म संग दे बर रैली म सामिल होना चाहत हे तेखर मन बर रैली के रूप रेखा जारी करे गे हे जेमा रैली ठीक 7 बजे सिलतरा चौक (रायपुर- बिलासपुर हाइवे मेन रोड) से निकलही अउ 2 बजे हरिहरपुर धरना स्थल पहुंचना के, 2:30 से 6 बजे तक आंदोलन करईया ग्रामीण मन के संग भेंट कर के उंखर सहयोग कर के, 6:30 बजे तक वापसी होही।Save Hasdeo
आगे अऊ पढ़व :-
- हसदेव जंगल की हत्यारी भाजपा सरकार – अमित बघेल
- हसदेव में वनों की कटाई का कांग्रेस ने किया विरोध
- रातभर दहशत में लोग उदयपुर के घाटबर्रा का पेंड्रामार जंगल मैदान में तब्दील, माइंस के लिए अडाणी को दी गई है यह जमीन
- गर्मी में तबाह हो रहे जंगल, फायर वॉचर होने के बावजूद चैन की नींद सो रहा विभाग
- बस्तर में आदिवासियों पर पुलिस हमले की किसान सभा ने की निंदा
